O goberno municipal amplía as actividades do programa “Vigo, cidade amiga dos maiores”
O alcalde avanzou este venres que a vindeira semana comezan as actividades de outono en tódalas asociacións e entidades da cidade que traballan con persoas maiores. A inscrición abre o 1 de outubro
![](https://xornal.vigo.org/storage/images/opt/fk1CoVagcmay91VQblPlH7GwiAvXQpHXlCB8wXsB.jpeg)
As actividades, enmarcadas no programa “Vigo, cidade amiga dos maiores” son totalmente gratuítas para persoas maiores de 65 anos que estean empadroadas en Vigo.
A principal novidade da programación é o incremento da oferta de cursos, obradoiros de lecer e actividade física. Tal e como expuxo o rexedor, haberá actividades de axilidade mental, saúde e diversión, humor positivo e mente en forma, Canta con nós, Vive bailando, Pilates, Talleres de taichi, teatro, mindfulness e de debuxo. Ademais, organizaranse saídas puntuais: Marcha nórdica, Cursos de primeiros auxilios e de competencias dixitais, Cestería e visitas baixo demanda a enclaves de interese cultural e natural, así como ao Nadal de Vigo e ao cinema.
As persoas maiores interesadas en participar nas actividades poderán inscribirse a partir do 1 de outubro ou no 010 ou en calquera asociación veciñal da cidade, sen necesidade de seren socios.