Caballero visita o Pazo de Castrelos no Día Europeo dos Xardíns Históricos
O 26 de abril celébrase o Día Europeo dos Xardíns Históricos. Con este motivo o Concello organiza visitas guiadas para coñecer os xardíns do Pazo de Castrelos.
O alcalde visitou o Pazo de Castrelos con motivo da celebración do Día Europeo dos Xardíns Históricos. Vigo conmemora este día coa visita guiada aos xardíns cunha persoa experta, que será a encargada de realizar o itinerario para coñecer diferentes espazos como os xardíns de entrada, o xardín regular francés, o xardín paisaxista inglés, bosquete de eucaliptos ou a carreira da rosaleda, tamén as principais especies e elementos botánicos singulares así como os xardíns como elementos importantes para a conservación da biodiversidade.
