Escoitar

O goberno local retoma o domingo 19 de febreiro a San Silvestre suspendida polo mal tempo

A San Silvestre volverá ás rúas de Vigo o próximo 19 de febreiro, unha vez que o goberno local decidira retomar a carreira que tivo que suspenderse polo mal tempo. Mantense o trazado e o percorrido, de 4 quilómetros, co que a saída e a meta será na confluencia de Elduayen e Porta do Sol.

venres, 27 xan 2023
San Silvestre 2023
San Silvestre 2023

A tradicional carreira San Silvestre, que tivo que ser suspendida o pasado 31 de decembro polas condicións climatolóxicas, celebrarase o domingo 19 de febreiro, ás 11h. A proba mantén idéntico o trazado previsto naquel momento, con saída e meta na confluencia de Elduayen coa Porta do Sol. Trátase dun percorrido de 4 quilómetros que discorren por Porta do Sol, Policarpo Sanz, Rosalía de Castro, Serafín Avendaño, Areal, Oporto, Marqués de Valladares, Carral, Cánovas del Castillo, Mestre Mateo, Teófilo Llorente, Real, Méndez Núñez, Misericordia e remate de novo na Porta do Sol.

Tal e como explicou, a elección desta data, que coincide co Entroido, facilitará que miles de persoas acudan disfrazadas a un evento que mantén o seu lema: Vigo de récord para alcanzar miles de participantes.

Todas as persoas que se anotaron en decembro manteñen a súa inscripción e, para os que recolleron o dorsal nalquel momento, bastará que acudan portando o mesmo. Para novas inscripcións, estará aberto o prazo desde hoxe ata o 17 de febreiro no portal municipal www.vigo.org.

San Silvestre 2023
Descargar todas as imaxes