O alcalde destaca o “éxito excepcional” das visitas teatralizadas ao cemiterio de Pereiró
O Concello ten esgotadas as prazas para participar esta fin de semana nas visitas guiadas ao camposanto municipal, tres cada día, con aforo de 25 persoas en cada unha.
![](https://xornal.vigo.org/storage/images/opt/OAFZzFY0UfsoD8gI6MkLBhOafTLjvgI5aWtYMOpL.jpeg)
Abel Caballero súmase este venres ás visitas guiadas ao cemiterio de Pereiró que comezaron este mércores, 12 de outubro, e que se desenvolven ata o 9 de novembro. Serán 20 xornadas con tres quendas cada día: 18:30, 19:00 e 19:30 horas, cun aforo de 25 persoas por quenda, de xeito que serán 1.500 as persoas que participen nas visitas este ano.
O rexedor deu conta da boa acollida do programa que está tendo un “éxito excepcional” e que permite percorrer Pereiró, durante 90 minutos, coñecendo a historia da cidade da man de actores que representan a Concepción Arenal, Irene Ceballos, a Marquesa de Valladares ou Cachamuíña.
O Concello establecer a reserva gratuíta da praza a través da web www.visitasguiadas.vigo.org e de forma presencial na Oficina de Turismo municipal. Poderanse reservar un máximo de 3 entradas por persoa e cada persoa só poderá facer unha reserva por temporada.
![](https://xornal.vigo.org/storage/images/opt/OAFZzFY0UfsoD8gI6MkLBhOafTLjvgI5aWtYMOpL.jpeg)
![](https://xornal.vigo.org/storage/images/opt/K6dxnlE4hiTH42CMSqDjWwq1dw0MRcNV09G9lMWg.jpeg)
![](https://xornal.vigo.org/storage/images/opt/j7Fljcjx8CPYwTvow5KtF0Ex4AI9oc4AOKdZyZqi.jpeg)