Caballero convoca aos municipios a concentrarse en memoria de Miguel Ángel Blanco
Desde a FEMP convócase a todos os municipios ás concentracións silenciosas o mércores ás 12 horas polo 25 aniversario do asasinato de Miguel Ángel Blanco. En Vigo será na Praza do Rei.
Abel Caballero fixo esta mañá un chamamento a concentracións silenciosas nas portas dos concellos de toda España ás 12 de mediodía de mañá mércores, 13 de xullo, “en memoria de Miguel Ángel Blanco e de todas as vítimas do terrorismo” porque, lembrou, “mañá cúmprense 25 anos da morte de Miguel Ángel Blanco, concelleiro dunha vila, de Ermua, que facía o seu traballo e foi asasinado”.
Caballero, que lembrou que esta convocatoria remitiuse onte desde a FEMP aos gobernos locais, subliñou a condena da federación a todas as formas de terrorismo, “e á xente criminal de ETA que asasinou a Miguel Ángel Blanco por ser concelleiro." En recordo de Blanco e de “tanta xente que foi asasinada”, manifestou o presidente da Federación, “convocamos para render tributo á súa memoria e enviar condolencias ás súas familias”.