O Concello abre o prazo de solicitude das bolsas de libros e comedor ata o 9 de agosto
O Boletín Oficial da Provincia de Pontevedra publica hoxe a convocatoria de axudas para as bolsas de libros, comedor e material escolar do próximo curso 2022-2023 cuxo prazo de solicitude comeza este martes, 12 de xullo.
O alcalde informou da apertura do período de tramitación destas axudas para as que é preciso solicitar cita previa a través da web do Concello, no enderezo www.vigo.org, e tamén se pode tramitar electronicamente a través da carpeta cidadá, o que permitirá achegar ás instalacións municipais sen necesidade de agardar ringleiras.
Tal e como explicou Caballero, o orzamento municipal para as bolsas de libros e material escolar acada os 135.000 euros e as de comedor chega a 1.145.000 euros. O Concello ten prevista a posibilidade de incrementar a partida noutros 185.000 euros se é preciso, co obxectivo de que “ninguén en Vigo que cumpra as bases quede sen bolsa de comedor; garantímolas todas. Antes quedaban sen a bolsa centos de familias”, apuntou.