"O IV verán de Teatro" amosa distintos xéneros escénicos
A concelleira de Festas e Animación Sociocultural, Margarida Martíns presentou o "IV verán de Teatro", incluído na programación das Festas do Cristo 2003. Todas as representacións desenvolveranse na praza da Estrela a partir das 23:00 horas e serán de entrada libre.
Margarida Martíns subliñou "as distintas visións do mundo do teatro" que ofrece o ciclo, abranguendo danza, monicreques, teatro de rúa e alternativo. Ademais, a concelleira resaltou a calidade das montaxes desta edición, algunhas delas posuidoras de importantes galardóns, "como o Premio do Público no IX Festival Internacional de Humor de Madrid, no caso da compañía Pez en Raya, ou a mención honorífica de Pepa Plana no Festival Internacional de Pallasos de Cornellá-Memorial Charlie Rivel".
Pola súa banda, a actriz da compañía Noescafé Teatro Lola Correa percorreu o estilo das obras programadas, pertencentes todas a un "teatro distinto" e lembrou a boa acollida que as anteriores edicións tiveran entre o público vigués.
Descargar todas as imaxes
Pola súa banda, a actriz da compañía Noescafé Teatro Lola Correa percorreu o estilo das obras programadas, pertencentes todas a un "teatro distinto" e lembrou a boa acollida que as anteriores edicións tiveran entre o público vigués.