O alcalde, Ventura Pérez Mariño, e o concelleiro de Tráfico, Xulio Calviño, visitaron as obras realizadas polo paso soterrado no Troncal, á altura da construcción do novo centro comercial Carrefour.
A Concellería de Parques e Xardíns decidiu podar parte dunha arboreda de Samil, debido aos desprendementos padecidos de pólas e troncos que lles afectaron a catro vehículos estacionados, co fin de ofrecerlles as máximas garantías de seguridade aos cidadáns.
O alcalde de Vigo, Ventura Pérez Mariño, preside a entrega de premios "Automóbiles do ano en Galicia 2003" nun acto celebrado no Club Financeiro de Vigo.
Netgame Caixanova é un encontro informático que aglutinará a profesionais e usuarios de informática de diversas procedencias durante cinco días sen interrupción. Reuniranse no Instituto Feiral de Vigo do 9 ao 13 de xullo co fin de compartir actividades relacionadas co ordenador e as comunicacións.
A concelleira de Participación Cidadá, María Méndez, asiste á entrega de diplomas aos alumnos que realizaron cursos na Asociación veciñal de Beade. Preto de 150 persoas participaron en cursos de cociña, pintura, palillos, manualidades, ganchillo e informática.
A Concellería de Xuventude prosegue o programa Mirarte que consiste en organizar exposicións de novos artistas para contribuír á súa proxección. Nesta ocasión, ábrese unha nova mostra individual da artista María Rey que permanecerá aberta ata o 24 de xullo na Casa da Xuventude.