O Concello programa concertos e actividades en Villa Solita en xullo e agosto
Abel Caballero anunciou que combínase a música e o patrimonio “nunha restauración da villa indiana de principios do século XX”. Os concertos comezan o venres 2 de xullo
O 2 de xullo comeza o ciclo de actividades musicais e divulgativas “Curiosidades Solita” coa idea de combinar a música e o patrimonio. A primeira actuación corre a cargo de YEP!, un trío formado por Pedro Villanueva, Sergio de Miguel e Raúl Cameselle que ofrecerán un repertorio de jazz e temas actuais.
O alcalde puxo en valor o espazo restaurado e sinalou que a actividade cultural que se desenvolve alí é de 38.115 euros.
En todos os concertos haberá 50 prazas ata completar o aforo por orden de chegada.
O cartel completo é o seguinte:
- 2 de xullo ás 21h. - YEP!
- 9 de xullo ás 21h. - Sergio de Miguel Trío
- 16 de xullo ás 21h. - Espectáculo de Danza Aínda en Pé
- 23 de xullo ás 21h. - Noar
- 30 de xullo ás 21h. - Cuchus Pimentel
- 6 agosto ás 21h. - Dous
- 13 agosto ás 22h. - Xornada de divulgación “Coñece Villa Solita e o Vigo do século XIX”; ás 22:30h. “O Ceo de verán e as Bágoas de San Lorenzo” co aforo limitado por orde de inscrición no 010.
- 20 de agosto ás 22h. - Concerto guiado con Juan Manuel Vázquez; ás 22:45h. “O Ceo de Verán e percorrido telescópico pola lúa” co aforo limitado por orde de inscrición no 010.
Festas da Consolación de Coia
Abel Caballero tamén anunciou cinco actuacións para o fin de semana no barrio de Coia con motivo das Festas da Consolación.
O sábado ás 20 horas estará Rubén de Lis e ás 21h MITIC no Torreiro. O domingo 4 de xullo a mediodía poderase escoitar a Banda de Valadares. A partir das 19 horas actuará Magín Blanco e ás 20:30 unha actuación do programa Vigo Bailando.