Escoitar

María Consuelo Domínguez, directora xeral de GKN, pregoeira da Reconquista 2019

O alcalde propoñerá a concesión de Vigués Distinguido ex-aequo á Banda de Gaitas Xarabal, á Asociación veciñal Emilio Crespo de Navia e á sociedade veciñal das festas da Consolación de Coia.

xoves, 21 mar 2019
Abel Caballero anunciou este xoves que a pregoeira da festa da Reconquista deste ano será María Consuelo Domínguez, directora xeral de GKN Driveline "a muller que dirixe, como muller, a empresa máis importante de Vigo; dirixe unha grande industria da automoción e quero recoñecelo". Así, explicou que na visita que realizou recentemente á empresa "comprobei o seu liderado empresarial e a súa capacidade de xestión".

María Consuelo Domínguez é Licenciada en Ciencias Químicas pola Universidade de Vigo, completándoa na Universidade de Santiago de Compostela. Posúe un Posgrao en Química Orgánica pola Universidade de Leicester, traballou en Toysal e Dourbin, ambas na área de Vigo e incorporou a GKN Driveline Vigo no ano 2000 como enxeñeira de calidade. Asumiu a Dirección Xeral da empresa en setembro de 2018, "sendo unha das pioneiras en ocupar este cargo nunha empresa desta envergadura".

O alcalde sinalou tamén que propoñerá para o premio Vigués Distinguido 2019 ex-aequo no ámbito cultural asociativo á Banda de Gaitas Xarabal, á Asociación Veciñal Emilio Crespo de Navia e á Sociedade Veciñal das Festas da Consolación de Coia.

Mañá venres, 22 de marzo, ás 09:00 horas da mañá celébrase o Pleno Municipal para aprobar a concesión dos premios Vigueses Distinguidos 2019.