Escoitar

Vigo non tivo ningún reparo de intervención no ano 2014

Segundo informou hoxe martes o alcalde, este é o dato que recolle o informe no que o Consello de Contas fiscaliza a xestión dos municipios galegos, no que sinala que Vigo tivo "cero reparos" á súa acción por parte da intervención durante o ano 2014 o que implica a súa "transparencia e legalidade".

martes, 1 mar 2016
Abel Caballero deu conta este martes dos datos que recolle o Consello de Contas no referido á fiscalización que realiza da xestión dos municipios galegos. Segundo este organismo, no ano 2014 Vigo tivo "cero reparos dos interventores" o que indica, para o rexedor, "a legalidade e transparencia total" da actuación do goberno local.

Así, Caballero comparou este dato positivo para Vigo co que presentan outros concellos galegos, no mesmo informe, destacando que "A Coruña tivo 67 reparos, Santiago 62 e Ferrol 47 reparos", tendo estas cidades "gobernos do PP".