O goberno de Vigo crea 223 postos de traballo co programa VigoEmprega 2013
O alcalde deu conta hoxe venres da aprobación da convocatoria de selección e contratación de 122 desempregados mediante a segunda fase do VigoEmprega, parte do Plan de Emprego do Concello. Outros 101 traballadores procedentes do Servizo Galego de Contratación xa foron contratados na primeira fase do programa.
![1372420195AC.jpg 1372420195AC.jpg](https://xornal.vigo.org/storage/xornal-historico/medi/xornal/noticias/imx/opt/1372420195AC.jpg)
Abel Caballero informou este venres desta decisión adoptada pola Xunta de Goberno Local, contratos de seis meses de duración e persoal procedente do Servizo Galego de Colocación. O VigoEmprega, cun millón e medio de euros de orzamento, forma parte do Plan de Emprego do Concello para este ano.
O alcalde vigués demandou novamente á Deputación de Pontevedra e á Xunta de Galicia a creación e desenvolvemento en Vigo de plans de emprego similares ao que realiza o goberno de Vigo, o que suporía unha rebaixa "sensible" nas cifras do paro.
Caballero tamén explicou outros acordos emanados da Xunta de Goberno Local deste venres, como a aprobación do programa Vigoarena 2013, unha cita xa tradicional para a práctica de deportes na praia de Samil.
Por outra banda, o goberno de Vigo validou o proxecto técnico de adecuación dunha parcela para o aparcamento no Polideportivo de Navia, de mil metros cadrados de superficie. Segundo explicou Caballero, o prezo de licitación ascende a 240.000 euros, que servirán para ampliar en 46 as prazas de aparcamento próximas ao pavillón e para acondicionar espazo como xardín.
Descargar todas as imaxes
O alcalde vigués demandou novamente á Deputación de Pontevedra e á Xunta de Galicia a creación e desenvolvemento en Vigo de plans de emprego similares ao que realiza o goberno de Vigo, o que suporía unha rebaixa "sensible" nas cifras do paro.
Caballero tamén explicou outros acordos emanados da Xunta de Goberno Local deste venres, como a aprobación do programa Vigoarena 2013, unha cita xa tradicional para a práctica de deportes na praia de Samil.
Por outra banda, o goberno de Vigo validou o proxecto técnico de adecuación dunha parcela para o aparcamento no Polideportivo de Navia, de mil metros cadrados de superficie. Segundo explicou Caballero, o prezo de licitación ascende a 240.000 euros, que servirán para ampliar en 46 as prazas de aparcamento próximas ao pavillón e para acondicionar espazo como xardín.