Escoitar

”Los lunes al sol”, de Fernando León, estréase o venres en Vigo

mércores, 25 set 2002
imx1792.jpg
Presentación en Vigo
O filme ”Los lunes al sol” é un retrato colectivo dun grupo de amigos unidos por unha circunstancia común: o paro e a imposibilidade de encontrar un traballo digno. Javier Bardem lidera un reparto formado por Luis Tosar, José Ángel Egido e Nieve de Medina, entre outros. A película, que se estrea o venres 27 de setembro, conta coa colaboración da Concellería de Cultura e foi producida por Elías Querejeta.

Ambientada na cidade de Vigo, a terceira longametraxe de Fernando León de Aranoa atrévese a relatar a situación de xente que case nunca aparece nunha pantalla de cine. Conta a historia dun grupo de amigos e veciños desempregados, con problemas familiares, que teñen como lugar de xuntanza o bar que abriu un deles co finiquito do estaleiro no que traballaban todos.

Sinopse

Unha cidade costeira, que xa hai tempo que lle deu as costas ao campo e se rodeou de industrias que a fixeron medrar desproporcionada a empurróns. Alimentada da inmigración e traballadores que debuxaron para ela un horizonte de chemineas, de aristas e esperanzas, de futuros desarraigos. Unha cidade na que ninguén mira cara o mar porque o mar é rutina semanal, traballo cotiá.

Un grupo de homes que viven nesta cidade, que percorren as súas rúas en costa cada día, que fan dos seus bares trincheiras, das súas barras soporte de esperanzas e silencios, que miran os reloxos con recelo e camiñan despacio porque non teñen ónde ir.

Esta é a súa historia, unha historia de presencias e de ausencias, de calendarios antigos, de bos e malos ratos, de teléfonos que nunca soan, de memoria doce, pegañenta, de silencios, de abandonos, unha historia de fraxilidade e blindaxes, de tenras e caladas esperanzas.

Funámbulos de fin de mes e de principio tamén. Funámbulos sen rede e sen público, sen aplausos ó final, que camiñan cada día pola corda frouxa do traballo precario, que suxeitan a súa existencia con estadas de esperanza e fan das súas poucas alegrías trincheira, como se ese naufraxio do que tratan de poñerse a salvo a diario non fose o seu mentres falan das súas cousas e rin, de todo e de nada en concreto, esperanzados, tranquilos, a mañá dun luns ó sol.


Ficha técnica

PRODUCTOR: Elías Querejeta
En coproducción con Quo Vadis (Jerome Vidal)
Eyescreen (Andrea Occhipinti)

GUIÓN: Fernando León de Aranoa e Ignacio del Moral
DIRECTOR: Fernando León de Araona
PRODUCTOR ASOCIADO: Jaume Roures
PRODUCTOR ASOCIADO: Pancho Casal
AXUDANTE DE DIRECCIÓN: Antonio Ordóñez
DIRECTOR DE PRODUCCIÓN: Primitivo Alvaro
XEFE DE PRODUCCIÓN: Gregorio Hebrero
AXUDANTE DE PRODUCCIÓN: José Luis Gago
COORDENADORA DE PRODUCCIÓN: Mariví Hebrero
DIRECTOR DE FOTOGRAFíA: Alfredo Mayo
2° OPERADOR: Jordi Abusada
DIRECTOR DE CASTING: Luis San Narciso
DIRECTOR ARTíSTICO: Julio Esteban
AXUDANTE DE DECORACIÓN: Alejandra Fernández
FIGURINISTA: Maiki Marín
SONIDO DIRECTO: Pierre Lorrain
MONTADOR: Nacho Ruiz Capillas
PERRUQUEIRO: Manuel García
MAQUILLADOR: Carlos Hernández
LABORATORIOS: MADRID FILM LAB
ESTUDIOS DE SONORlZACIÓN: CINEARTE
PRENSA: ENCANTO/Isabel Rodríguez

Ficha artística

SANTA... JAVIER BARDEM
JOSÉ... LUIS TOSAR
LINO... JOSÉ ANGEL EGIDO
AMADOR... CELSO BUGALLO
RICO... JOAQUIN CLIMENT
REINA... ENRIQUE VILLÉN
SERGUEI... SERGE RIABOUKINE
ANA... NIEVE DE MEDINA
NATA... AIDA FOLCH
ANGELA... LAURA DOMINGUEZ
LÁZARO... FERNANDO TEJERO
ABOGADO CARREÑO... ANDRÉS LIMA
FISCAL... CESAR CAMBEIRO
DIRECTOR BANCO... ANTONIO DURÁN

Características técnicas

Clase: Longametraxe
Duración: 113’
Formato: 35 mm
Color
Cadro de proxección: 1:1.85
Son: Dolby Digital System

MÁIS INFORMACIÓN
Descargar todas as imaxes