Caballero louba o traballo do corpo de bombeiros de Vigo na recepción de 17 novos efectivos

O alcalde de Vigo, Abel Caballero, recibiu hoxe aos 17 novos bombeiros que se acaban de incorporar ao Concello de Vigo. Destes 17 novos efectivos, que aprobaron a oferta de emprego e realizaron prácticas entre mediados de abril e finais de maio, 10 serán axentes e 7 teñen praza de conductor bombeiro. O rexedor, durante a recepción, loubou a súa formación e preparación, e déulles á benvida como novos traballadores do Concello. Ademáis, aproveitou o encontro para felicitar ao conxunto do corpo de bombeiros polo seu traballo e dedicación.