O alcalde asegura para este ano a licitación da estación do AVE de Urzáiz, cun investimento total de 220 millóns
Tras reunirse con responsables do Administrador de Infraestruturas Ferroviarias (ADIF), Caballero avanzou que antes de rematar o ano sairá a licitación a cuberta da estación ferroviaria e o proxecto de cooperación público-privada da estación. Ambas partes, unidas á xa contratada, suman 220 millóns de euros. O alcalde indicou que agarda a confirmación de Mayne para que o arquitecto presente o seu proxecto arquitectónico en Vigo o 10 de xaneiro.
O alcalde de Vigo, Abel Caballero, confirmou para este ano a saída a licitación da nova estación ferroviaria de Urzáiz que acollerá a Alta Velocidade, na que ADIF -dependente do Ministerio de Fomento- investirá un total de 220 millóns de euros.
Caballero reuniuse co director xeral de ADIF, Miguel Ángel Campos, co seu director rexional de Galicia, Ricardo Rodríguez, e co director de estacións de España, Carlos Ventura, para pasar revisión ao estado de tramitación da futura estación do AVE de Vigo, en Urzáiz. "Hoxe concretouse todo o calendario da estación do AVE", afirmou.
Segundo explicou o rexedor, o proxecto consta de tres partes diferenciadas: a ferroviaria -a que afecta ás vias e á estación propiamente dita-, a cuberta da mesma e a zona comercial e arquitectónica que deseña o Thom Mayne e para a que acudirase á cooperación público-privada.
A primeira parte xa está contratada por valor de 74,5 millóns, e a segunda e a terceira sairán a licitación antes de rematar 2010, por valor de 25 millóns e 120 millóns respectivamente. En total, uns 220 millóns de euros como afirmara o ministro de Fomento a pasada fin de semana na súa visita a Vigo.
Abel Caballero indicou que as fases acometeranse "no tempo técnicamente máis breve posible" a agradeceu a José Blanco que o Ministerio de Fomento, a través de ADIF, se encargue de todo o proxecto da estación viguesa, unha fórmula "atípica".
Mayne
En declaracións aos medios, o alcalde aseverou que contactara este mesmo xoves co prestixioso arquitecto encargado do deseño da estación de Urzáiz, Thom Mayne, para proporlle que presente en Vigo o seu proxecto o próximo 10 de xaneiro, a falta de coordinar as axendas.
Guixar
Por outra banda, Caballero avanzou que a estación de cercanías de Guixar -que operará ademais como estación provisional de Vigo namentres se constrúa a nova de Urzáiz- está próxima á súa finalización. "Continúa cos prazos previstos", apuntou o socialista, e estará lista "en poucos meses".
De cara á súa entrada en funcionamento, e para poder derrubar a actual terminal, estase a deseñar o traslado técnico dos talleres para poder operar en Guixar.
Descargar todas as imaxes
Caballero reuniuse co director xeral de ADIF, Miguel Ángel Campos, co seu director rexional de Galicia, Ricardo Rodríguez, e co director de estacións de España, Carlos Ventura, para pasar revisión ao estado de tramitación da futura estación do AVE de Vigo, en Urzáiz. "Hoxe concretouse todo o calendario da estación do AVE", afirmou.
Segundo explicou o rexedor, o proxecto consta de tres partes diferenciadas: a ferroviaria -a que afecta ás vias e á estación propiamente dita-, a cuberta da mesma e a zona comercial e arquitectónica que deseña o Thom Mayne e para a que acudirase á cooperación público-privada.
A primeira parte xa está contratada por valor de 74,5 millóns, e a segunda e a terceira sairán a licitación antes de rematar 2010, por valor de 25 millóns e 120 millóns respectivamente. En total, uns 220 millóns de euros como afirmara o ministro de Fomento a pasada fin de semana na súa visita a Vigo.
Abel Caballero indicou que as fases acometeranse "no tempo técnicamente máis breve posible" a agradeceu a José Blanco que o Ministerio de Fomento, a través de ADIF, se encargue de todo o proxecto da estación viguesa, unha fórmula "atípica".
Mayne
En declaracións aos medios, o alcalde aseverou que contactara este mesmo xoves co prestixioso arquitecto encargado do deseño da estación de Urzáiz, Thom Mayne, para proporlle que presente en Vigo o seu proxecto o próximo 10 de xaneiro, a falta de coordinar as axendas.
Guixar
Por outra banda, Caballero avanzou que a estación de cercanías de Guixar -que operará ademais como estación provisional de Vigo namentres se constrúa a nova de Urzáiz- está próxima á súa finalización. "Continúa cos prazos previstos", apuntou o socialista, e estará lista "en poucos meses".
De cara á súa entrada en funcionamento, e para poder derrubar a actual terminal, estase a deseñar o traslado técnico dos talleres para poder operar en Guixar.