A Concellería de Emprego orgniza un "seminario de planificación empresarial"
Dentro do programa de apoio á creación de empresas do Plan Municipal de Emprego do Concello de Vigo, o servizo de asesoramento a emprendedores/as (SAE) organiza un "Seminario de Planificación empresarial" que comeza o próximo luns 29 de setembro nas instalacións que ten o Concello na rúa Cánovas do Castillo, núm 2, edificio "EMPECE".
Os obxectivos principais deste seminario patrocinado por BIC Galicia, son coñecer como elaborar un plan de empresa e poder analizar a viabilidade económica e financeira do proxecto empresarial de cada unha das 26 persoas que asisten ao seminario, xa que cada participante presentou un proxecto con anterioridade.
Durante as sete xornadas formativas e as catro titorías personalizadas sobre cada proxecto, traballaranse temas de organización, mercado, comercialización, financiamento e análise económica.
Con este programa o Concello de Vigo quere potenciar a iniciativa empresarial das persoas emprendedoras.
Durante as sete xornadas formativas e as catro titorías personalizadas sobre cada proxecto, traballaranse temas de organización, mercado, comercialización, financiamento e análise económica.
Con este programa o Concello de Vigo quere potenciar a iniciativa empresarial das persoas emprendedoras.