O alcalde reprochou aos grupos da oposición que non apoien en Vigo o mesmo que fan en Santiago, cunha alcaldesa do BNG e a Xunta de Galicia gobernada polo PP. A moción do Grupo Municipal Socialista só obtivo os votos favorables do Goberno local, mentres que o Partido Popular e o Bloque Nacionalista Galego votaron en contra.
O Pleno da Corporación municipal aprobou hoxe, cos votos a favor dos concelleiros do PSOE e do BNG e a oposición dos representantes do PP, a moción do grupo municipal socialista instando a Augas de Galicia a garantir a capacidade do encoro para atender as necesidades de Vigo e dos municipios aos que abastece.
Na sesión plenaria do mes de setembro quedou aprobada a moción socialista que reclama á Xunta que garanta todos os recursos humanos necesarios nos centros educativos públicos vigueses evitando que impartan o curso cunha dotación de persoal inferior ás súas necesidades reais. O BNG apoiou a moción e o PP votou en contra.
A Corporación municipal aprobou no Pleno de hoxe, con 25 votos a favor do PSOE e 5 do BNG e a abstención do PP, a moción que reclama á Xunta de Galicia medidas para a planificación e construción de novas residencias públicas na cidade.
Abel Caballero achegouse esta mañá a Samil para visitar a montaxe da décimo segunda edición da Boot Camp que se celebrará o domingo 4 de outubro. Trátase dunha proba que puntúa para os campionatos de España e do mundo e que contará cuns 2.000 participantes aproximadamente. O 42% dos deportistas son mulleres, unha porcentaxe que no ano 2018 se situaba no 18%. A loxística do evento require 5 días de montaxe coa participación de 150 persoas.