Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 05 de agosto de 2019

Imprimir | Enviar | | Compartir:  


A Orquestra Clásica de Vigo ofrecerá un concerto no monte do Castro na noite das Perseidas

Da man do Concello de Vigo, a formación clásica interpreta este sábado ás 21:45h "Peer Gynt", a coñecida obra de Edvard Grieg, con acceso gratuíto ata completar aforo. Logo da edición inaugural do pasado ano, reedítase este verán a Noite das Perseidas na explanada das áncoras, no monte do Castro.

Abel Caballero invitou a toda a cidade a achegarse ata o Castro a gozar do concerto gratuíto da Orquestra Clásica de Vigo. O concerto terá lugar este sábado, 10 de agosto, ás 21:45h na explanada das áncoras do monte do Castro. A segunda edición da Noite das Perseidas ofrecerá a interpretación de "Peer Gynt", de Edvard Grieg, da man da Orquestra Clásica de Vigo.

A actuación comezará co solpor, sendo unha oportunidade única para compartir a música clásica nun marco inédito no que a posta do sol forma parte da posta en escena do concerto. A proposta súmase á programación anual da formación, que este ano celebra o seu 35 aniversario.
Mais noticias
O Concello abre ao público o primeiro tramo da Vía Verde
O alcalde reclámalle a Feijóo por carta "as carencias e a débeda histórica da Xunta con Vigo"
Caballero urxe ao Consorcio do Casco Vello a cesión dun inmoble á Zona Franca para uso de Down Vigo


Volver á portada

© Gabinete de Prensa - Concello de Vigo 2003