Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 30 de xuño de 2011

Imprimir | Enviar | | Compartir:  


O alcalde tende a man ao novo presidente da Autoridade Portuaria para "o beneficio da cidade e do Porto"

Abel Caballero tendeulle a man ao novo presidente da Autoridade Portuaria de Vigo, Ignacio López-Chavez, cuxo nomeamento foi publicado hoxe xoves no Diario Oficial de Galicia, "para o acordo e para manter unha relación fructifera de cooperación que redunde no beneficio da cidade e do Porto". O alcalde afirmou que fará "todos os esforzos" para entablar un clima de "cooperación" institucional, como fixo cos anteriores responsables, "coa única condición da legalidade".




O alcalde de Vigo, Abel Caballero, tendeulle a man este xoves ao novo presidente da Autoridade Portuaria, Ignacio López-Chaves, para a "cooperación" en "beneficio da cidade e do Porto".

En declaracións aos medios tras ser publicado o nomeamento do exconcelleiro municipal no DOG, Caballero apuntou que "creo que iniciamos unha etapa nova, é un momento novo e ocupa un cargo novo", polo que "téndolle a man para o acordo e para manter unha relación fructifera de cooperación que redunde no beneficio da cidade e do Porto".

O alcalde expresou que "o Porto é o corazón económico desta cidade" e adiantou que non vai "escatimar ningún esforzo" para mellorar o dinamismo da institución. Caballero explicou ter a "esperanza e expectativa de que sexa posible a cooperación" e recordou que, cos responsables anteriores, esta foi "total e absoluta, coa única condición da legalidade".

Neste aspecto, o primeiro edil vigués aseverou que as dúas obras máis importantes executadas nos últimos anos, o silo de automóbiles e a ampliación do molle de Areal, contaron co seu apoio, no primeiro caso para a aprobación no Consello de Adminitración e, no segundo, retirando o recurso xudicial que o paralizaba cando chegou á Alcaldía de Vigo.
Mais noticias
Abel Caballero afirma na presentación da Vigo Cup que o seu goberno ten "paixón polo deporte"
Caballero clausurou no Pazo de Castrelos a XXII edición da Olimpiada Matemática
Caballero animou ás seleccións de Vigo que competirán nos IX Xogos do Eixo Atlántico
Caballero asistiu á apertura das novas instalacións de Librería Médica Carrera en Vigo
A Rede Europea de Orquestras Folk (ENFO) celebra o seu terceiro encontro en Aosta, Italia
Abre a Feira do Libro de Vigo
Xunta de Goberno Local


Volver á portada

© Gabinete de Prensa - Concello de Vigo 2003