Concello de Vigo Vigo org xoves, 23 de marzo de 2017
Xornalxornal.vigo.org
  

Xornal de onte
Noticias da semana

Suscribirse
Noticias en castellano

RSS feed Noticias:



O alcalde valora a adxudicación da estación de Mayne como unha "gran noticia para a cidade"

O Consello de Administración de ADIF aprobará o 29 de marzo a adxudicación do Centro Vialia, logo do acordo acadado na reunión mantida este xoves entre o xestor ferroviario, o Concello e a Xunta de Galicia que dá luz verde á estación de Thom Mayne, ao complexo comercial e á nova estación de autobuses da cidade.

Caballero destaca a "revolución" que suporá a transformación da Gran Vía coas cintas mecánicas

O goberno local deu luz verde esta mañá á aprobación dos pregos para redactar os proxectos de rehabilitación e transformación do entorno de Gran Vía e do soterramento do tráfico rodado na Porta do Sol. Deste xeito, o Concello da inicio o desenvolvemento destas importantes actuacións para a cidade.




O Concello reverterá os ingresos do IBI da Universidade en bolsas de comedor e inglés para o alumnado

Abel Caballero e Salustiano Mato mantiveron esta mañá un encontro no que acordaron que a Universidade recibirá en bolsas de comedor e inglés a cantidade que paga de IBI ao Concello. Así o explicou o rexedor nunha rolda de prensa na que tamén avanzou que o reitor fará uso do antigo despacho que tiña no edificio municipal do Areal ata que non remate a rehabilitación do inmoble de O Berbés, futura sede da entidade educativa.

O Pleno do Concello concede a Medalla da Cidade ao Centro Oceanográfico de Vigo

A Corporación aprobou a proposta por unanimidade e deu luz verde ao nomeamento como Vigueses Distinguidos do CRACC de Coruxo, Mayeusis, José Silveira, Ramón Patiño, Mercedes Oliveira, os Colexios Acacias e Montecastelo e a Asociación de Comerciantes e Hostaleiros Vigo Vello.




Vigo condena o ataque terrorista de Londres cun minuto de silencio e as bandeiras a media hasta

A Corporación Municipal gardou este mediodía un minuto de silencio en sinal de condena do ataque terrorista perpetrado onte fronte ao Parlamento Británico, que o alcalde cualificou de "barbarie" e "acto detestable e condenable". Caballero amosou o pesar e a dor da cidade ante o sucedido e transmitiulle todo o cariño ás vítimas e ás súas familias, cunha mención especial á galega Aysha Frade, que perdeu a vida no atentado. Como mostra de solidariedade, as bandeiras do Concello ondearán a media hasta durante tres días.




Cayetano Rodríguez eloxia a calidade da programación da Orquesta Clásica de Vigo

O concelleiro de Cultura presentou este xoves, xunto ao director da Orquestra, Manuel Rodríguez, a programación 2017 que inclúe nove concertos en distintos espazos da cidade e o ciclo Resonancias con seis pequenos recitais.




A Liga de natación escolar que patrocina o Concello arranca este domingo no Carme

A competición, iniciada no 2014 para darlle un novo pulo á natación de base, foi presentada hoxe no Concello polo edil de Deportes, Manel Fernández, que estivo acompañado polo presidente do Club Natación Vigo Rías Baixas, Antonio Vázquez, Mónica Sueiro da xunta directiva, Elena Rodríguez de Foanpas.

Noticias anteriores:
O Concello inicia o 1 de abril catro rutas guiadas polas medianeiras da cidade
O goberno local apoia con 750.000 euros o deporte de base, un 37% máis que o ano pasado
Caballero anima á cidadanía a visitar a Mostra do Encaixe de Camariñas
O alcalde destaca o cooperación de Freire e a Armada peruana para construír unha "xoia da navegación"
© Gabinete de Prensa do Concello de Vigo
Praza do Rei nº1-36202-Vigo
Tel: 986810228
Fax: 986810192 Contacto | Subscricións