O alcalde acudiu este luns ao aeroporto vigués, desde onde partiron os primeiros cen estudantes cunha bolsa de estudos do Concello. O goberno de Vigo sufraga este ano a estadía en Irlanda e Inglaterra a 617 alumnos/as e, segundo anunciou Caballero, o orzamento aumentará en 2017 ata case o millón e medio de euros.
A Xunta de Goberno Local deu luz verde á contratación do servizo de aplicacións informáticas por un importe de 139.000 euros e o servizo de mantemento e reparación dos contedores soterrados por un valor de 70.062 euros. A renovación do campo do Carballal sae a licitación por 680.000 euros
Caballero anunciou este luns que os autobuses urbanos difundirán a campaña e as fontes de Aragón se iluminarán para conmemorar o Día Mundial, este mércores, 21 de setembro. O presidente de AFAGA informou das actividades programadas e reclamou a creación en Vigo dunha Unidade de Demencias.
Un grupo de once estudantes vigueses do Máster en Avogacía da Universidade de Vigo inician este luns un período de case un mes de aprendizaxe en diferentes departamentos municipais nos que poderán poñer en práctica os coñecementos adquiridos durante a súa formación. Abel Caballero deulles a benvida ao Concello e desexoulles que sexa unha etapa proveitosa na súa traxectoria profesional. Amais, adiantou que todo o alumnado do máster realizará prácticas no consistorio, en diferentes grupos.