A Corporación aprobou solicitar subvención á Xunta de Galicia, de axudas para o financiamento total ou parcial do mantemento e realización de programas e investimentos destinados á prestación de servicios sociais de atención primaria e especializados por un importe de 421.301,24 euros.
O Pleno da Corporación aprobou as mocións presentadas polo grupo municipal Democracia Progresista Galega relativas o segundo cinto de circunvalación, sobre o litoral vigués e a unión do barrio do Berbés co mar, así como unha moción do BNG na se que solicita o establecemento dun servicio permanente de profesorado itinerante.
O Museo de Castrelos acolle a exposición "Vigo 1809: Reconquista. Feitos, armas e personaxes" que se abre ó público ata o 25 de xullo. A mostra de gran formato está composta por mais de 160 elementos maioritariamente das época da Reconquista no contexto da Guerra da Independencia en 1809.