O Museo Quiñones de León ofrece a mostra "A camelia nos xardíns das Rías Baixas"
O Museo Municipal Quiñones de León ofrece a partir deste martes e ata o próximo 21 de outubro a mostra "A camelia nos xardíns das Rías Baixas", composta por obras do pintor vigués Álex Vázquez.
Entre os lugares representados nestes traballos destaca especialmente o propio Pazo Quiñones de León, cuxo xardín conta con grandes camelias como a Camelia Matusalén, exemplar de xapónica dos máis antigos de Galicia.
"A camelia nos xardíns das Rías Baixas" é unha exposición promovida polo Museo Municipal Quiñones de León, o Concello de Vigo, a Deputación de Pontevedra e Turismo Rías Baixas, coa colaboración da Asociación Española de la Camelia e Camelia Galicia.
A mostra poderase visitar de martes a sábados, en horario de 17.00 a 20.00 horas, e os domingos e festivos, de 10.00 a 13.30 horas.
O artista
Álex Vázquez (Vigo, 1946) procede dunha familia de creadores galegos que influíron na súa vocación e traxectoria. Fundamentalmente paisaxista, Álex Vázquez é capaz de facer motivo plástico de calquera nadería, do secundario e habitualmente inadvertido, cunha pintura de execución equilibrada, nunca insistida. Desta maneira, como quería o mestre d'Ors, a anécdota elévase á categoría de Arte.
Pintor de sentimento, de evocación e nostalxia, de imaxinación viscontiana, móvese a cabalo entre un barroco intemporal e un novecentismo inexacto, deliberadamente inexacto, para que o motivo e a interpretación se identifiquen sen asoballar. Álex Vázquez é un pintor sen vangardas, convencido de que forma, luz e ambiente son tamén a verdadeira pintura.
Álex Vázquez conta no seu haber con máis dun centenar de exposicións realizadas en cidades de España, Portugal, Alemaña e Bélxica. É importante a súa faceta de ilustrador. Del din que é un debuxante exquisito, de grafismo primoroso, capaz de sintetizar a arquitetura monumental ou calquera obxecto nos trazos xustos. Deseñou e ilustrou publicacións para autores de tanto prestixio como Francisco Fernández del Riego, Carlos Casares, Darío Xohán Cabana, Paco Fernández Naval e Xavier Alcalá, entre outros.
"A camelia nos xardíns das Rías Baixas" é unha exposición promovida polo Museo Municipal Quiñones de León, o Concello de Vigo, a Deputación de Pontevedra e Turismo Rías Baixas, coa colaboración da Asociación Española de la Camelia e Camelia Galicia.
A mostra poderase visitar de martes a sábados, en horario de 17.00 a 20.00 horas, e os domingos e festivos, de 10.00 a 13.30 horas.
O artista
Álex Vázquez (Vigo, 1946) procede dunha familia de creadores galegos que influíron na súa vocación e traxectoria. Fundamentalmente paisaxista, Álex Vázquez é capaz de facer motivo plástico de calquera nadería, do secundario e habitualmente inadvertido, cunha pintura de execución equilibrada, nunca insistida. Desta maneira, como quería o mestre d'Ors, a anécdota elévase á categoría de Arte.
Pintor de sentimento, de evocación e nostalxia, de imaxinación viscontiana, móvese a cabalo entre un barroco intemporal e un novecentismo inexacto, deliberadamente inexacto, para que o motivo e a interpretación se identifiquen sen asoballar. Álex Vázquez é un pintor sen vangardas, convencido de que forma, luz e ambiente son tamén a verdadeira pintura.
Álex Vázquez conta no seu haber con máis dun centenar de exposicións realizadas en cidades de España, Portugal, Alemaña e Bélxica. É importante a súa faceta de ilustrador. Del din que é un debuxante exquisito, de grafismo primoroso, capaz de sintetizar a arquitetura monumental ou calquera obxecto nos trazos xustos. Deseñou e ilustrou publicacións para autores de tanto prestixio como Francisco Fernández del Riego, Carlos Casares, Darío Xohán Cabana, Paco Fernández Naval e Xavier Alcalá, entre outros.
