O Concello preparará unha actuación global para a saída do Desafío Atlántico de Grandes Veleiros
O Concello fará fronte á saída desde o porto de Vigo do Desafío Atlántico de Grandes Veleiros 2009 cunha "actuación global", segundo anunciou o alcalde, Abel Caballero, despois do encontro que mantivo este mércores no seu despacho con Alberto Durán, representante desta regata anteriormente coñecida como Cutty Sark.
![1187785004desafio220807.jpg 1187785004desafio220807.jpg](https://xornal.vigo.org/storage/xornal-historico/medi/xornal/noticias/imx/opt/1187785004desafio220807.jpg)
Os veleiros do Desafío Atlántico estarán en Vigo do 30 de abril ao 3 de maio de 2009. Durante eses cinco días, e con motivo da saída da regata, espérase que a nosa cidade reciba a visita de cerca de un millón de persoas. Para que Vigo estea á altura deste evento, que segundo Caballero "supera con moito á Volvo Ocean Race", o Concello porá en marcha un sofisticado dispositivo no que participarán varios departamentos.
Así, a organización da saída do Desafío Atlántico centrarase, con carácter prioritario, nos aspectos de circulación, transportes e accesos ao porto, por un lado, e no control da seguridade e a atención a posibles emerxencias durante o evento, por outro. O Concello tamén se ocupará da organización de eventos sociais, deportivos e culturais ligados á saída da regata.
O alcalde sinalou a importancia da colaboración co Porto de Vigo nos diferentes aspectos da organización da saída do Desafío Atlántico. Neste sentido, adiantou que este tema estará sobre a mesa na súa próxima reunión co presidente da Autoridade Portuaria, Jesús Paz, no mes de setembro.
En novembro, unha delegación viguesa viaxará a Liverpool para participar, xunto coas delegacións dos outros portos que acollerán a proba, nunha reunión na que se irán perfilando as pautas organizativas da regata, de cara a unha nova xuntanza na mesma cidade en 2008.
En canto á achega económica do Concello á organización do evento, Abel Caballero sinalou que "simplemente teremos que cumprir coas obrigas comprometidas". Estas obrigas supoñen o aboamento de 120.000 euros repartidos en catro anualidades, ás que haberá que engadir posteriormente outros 400.000 euros.
Despois da súa saída de Vigo o 3 de maio de 2009, o Desafío Atlántico pasará por Tenerife (do 14 ao 17 de maio), as Illas Bermudas (do 12 ao 15 de xuño), a localidade canadense de Halifax (do 16 ao 19 de xullo) e, finalmente, Belfast, en Irlanda do Norte (do 13 ao 16 de agosto).
Descargar todas as imaxes
Así, a organización da saída do Desafío Atlántico centrarase, con carácter prioritario, nos aspectos de circulación, transportes e accesos ao porto, por un lado, e no control da seguridade e a atención a posibles emerxencias durante o evento, por outro. O Concello tamén se ocupará da organización de eventos sociais, deportivos e culturais ligados á saída da regata.
O alcalde sinalou a importancia da colaboración co Porto de Vigo nos diferentes aspectos da organización da saída do Desafío Atlántico. Neste sentido, adiantou que este tema estará sobre a mesa na súa próxima reunión co presidente da Autoridade Portuaria, Jesús Paz, no mes de setembro.
En novembro, unha delegación viguesa viaxará a Liverpool para participar, xunto coas delegacións dos outros portos que acollerán a proba, nunha reunión na que se irán perfilando as pautas organizativas da regata, de cara a unha nova xuntanza na mesma cidade en 2008.
En canto á achega económica do Concello á organización do evento, Abel Caballero sinalou que "simplemente teremos que cumprir coas obrigas comprometidas". Estas obrigas supoñen o aboamento de 120.000 euros repartidos en catro anualidades, ás que haberá que engadir posteriormente outros 400.000 euros.
Despois da súa saída de Vigo o 3 de maio de 2009, o Desafío Atlántico pasará por Tenerife (do 14 ao 17 de maio), as Illas Bermudas (do 12 ao 15 de xuño), a localidade canadense de Halifax (do 16 ao 19 de xullo) e, finalmente, Belfast, en Irlanda do Norte (do 13 ao 16 de agosto).