Convocadas as bolsas Fundación Laxeiro-Afinsa á creación artística
A Fundación Laxeiro, co patrocinio do Grupo Afinsa, convoca a segunda edición das bolsas Fundación Laxeiro-Afinsa á creación artística. Dotadas cunha cantidade de 3.000 euros, a elas poderán concorrer proxectos expositivos pensados para desenvolver durante a próxima temporada na sala B da Fundación Laxeiro.
![1123154362laxeiro2.jpeg 1123154362laxeiro2.jpeg](https://xornal.vigo.org/storage/xornal-historico/medi/xornal/noticias/imx/opt/1123154362laxeiro2.jpeg)
Estes proxectos deberán estar asinados por artistas galegos ou residentes en Galicia, que non teñan cumprido os 36 anos ao fin do prazo da presente convocatoria.
Con esta iniciativa, a Fundación Laxeiro e o Grupo Afinsa renovan o seu convenio de colaboración para apoiaren os novos creadores da nosa Comunidade Autónoma. Este acordo cérrase, por parte do Grupo Afinsa, cunha colaboración económica de 6.000 euros, que servirá para a dotación da propia bolsa e de parte dos gastos de montaxe e edición de catálogo do proxecto gañador.
Os organizadores esperan que a participación sexa cando menos tan exitosa como a da edición anterior, á que se presentaron 26 proxectos cunha media de calidade moi satisfactoria.
O gañador da primeira edición foi o artista compostelán Antón Cabaleiro. Cabaleiro, ademais de recibir o premio en metálico, logrou facer a súa primeira exposición individual en Galicia, na sala de exposicións temporais da Fundación Laxeiro. Co título de "Coexistencias pacíficas", esta mostra ofreceu unha reflexión sobre a influencia dos medios de comunicación no home contemporáneo.
As bases da convocatoria poden consultarse no documento anexo a esta noticia, na páxina web www.laxeiro.es ou retirarse na súa sede, na rúa Policarpo Sanz, 15, 3º.
O prazo de presentación de proxectos remata o vindeiro día 1 de novembro.
Descargar todas as imaxes
Con esta iniciativa, a Fundación Laxeiro e o Grupo Afinsa renovan o seu convenio de colaboración para apoiaren os novos creadores da nosa Comunidade Autónoma. Este acordo cérrase, por parte do Grupo Afinsa, cunha colaboración económica de 6.000 euros, que servirá para a dotación da propia bolsa e de parte dos gastos de montaxe e edición de catálogo do proxecto gañador.
Os organizadores esperan que a participación sexa cando menos tan exitosa como a da edición anterior, á que se presentaron 26 proxectos cunha media de calidade moi satisfactoria.
O gañador da primeira edición foi o artista compostelán Antón Cabaleiro. Cabaleiro, ademais de recibir o premio en metálico, logrou facer a súa primeira exposición individual en Galicia, na sala de exposicións temporais da Fundación Laxeiro. Co título de "Coexistencias pacíficas", esta mostra ofreceu unha reflexión sobre a influencia dos medios de comunicación no home contemporáneo.
As bases da convocatoria poden consultarse no documento anexo a esta noticia, na páxina web www.laxeiro.es ou retirarse na súa sede, na rúa Policarpo Sanz, 15, 3º.
O prazo de presentación de proxectos remata o vindeiro día 1 de novembro.