Escenarios da Reconquista de Vigo "Paso a Paso"
O Museo Municipal "Quiñones de León" organiza, dentro do seu programa conmemorativo da Reconquista viguesa, visitas guiadas polo barrio histórico da cidade, seguindo os pasos do acontecido en 1809.
As visitas serán totalmente gratuítas e terán lugar todos os domingos ás 11 e 12 horas, dende abril ata xullo. Durarán aproximadamente 45 minutos, nos que a guía levará as persoas asistentes a unha viaxe pola historia da nosa Reconquista, percorrendo os lugares máis emblemáticos e contándolles o acontecido in situ.
O punto de encontro será a praza da Princesa. A guía vestirá de época, polo que será facilmente recoñecibel. Non fai falta facer reservas, o grupo formarase alí mesmo, cun número mínimo de participantes de 6 persoas e máximo de 20.
O punto de encontro será a praza da Princesa. A guía vestirá de época, polo que será facilmente recoñecibel. Non fai falta facer reservas, o grupo formarase alí mesmo, cun número mínimo de participantes de 6 persoas e máximo de 20.