O alumnado do CEIP Pintor Laxeiro achégase á Reconquista co programa "Aventura no Vigo Vello"
O alcalde animou hoxe aos 52 alumnos do CEIP Pintor Laxeiro que participan nas visitas teatralizadas do programa didáctico "Aventura no Vigo Vello-Reconquista 2025" a coñecer un dos episodios máis importantes da historia da cidade. Caballero destacou a xesta da cidadanía viguesa por ser pioneira na expulsión das tropas napoleónicas despois de que o emperador invadise toda Europa. Máis de 1.000 escolares de quinto e sexto de Primaria comparten co alcalde Vázquez Valera, o soldado francés Pierre da Pierre e a taberneira viguesa Xoana Rial un percorrido polos principais escenarios da Reconquista e a sesión educativa na Casa Galega da Cultura.
