O Concello leva actividades de vida saudable á Vía Verde
O alcalde visitou este luns o parque biosaudable de Coutadas, un dos espazos da senda nos que se van desenvolver propostas de actividade física para persoas maiores, adultos, centros educativos e asociacións.
O programa “Toda actividade física conta” inclúe actividades de vida saudable para desenvolver na Vía Verde entre os meses de abril e maio deste ano 2023.
Tal e como explicou Abel Caballero “queremos que a Vía Verde se constitúa nunha zona de paseo saudable, de exercicio saudable, de ocio e esparexemento. Con ese fin, ofreceranse alternativas de actividade física para diferentes grupos de poboación nas infraestruturas da Vía Verde”, a senda peonil, o carril bici e os dous parques biosaudables: Coutadas e Mestre Chané.
As actividades deseñáronse seguindo as indicacións da Organización Mundial da Saúde e van destinadas a persoas maiores de 65 anos, persoas adultas (entre 18 e 64), familias e sete centros de educación primaria da cidade así como colectivos ou asociacións que queiran coñecer as potencialidades da Vía Verde
O calendario de accións é o que segue:
-Para persoas adultas e maiores do 4 de abril ao 12 de maio, os martes e mércores de 11:30-13:30 e de 17:30-19:30 e os venres de 17:30-19:30
-Para as familias: o 4 e 5 de abril e o 17 de maio de 17:30 a 19:30
-Para os centros educativos, colectivos e asociacións: do martes 4 de abril ao 31 de maio