Fomento adxudica por 785.000 euros os traballos de revalorización da muralla do Castro

O Concello recibiu comunicación do Ministerio da proposta á UTE Emergis-Prace como adxudicataria provisional das obras, que terán unha supervisión arqueolóxica constante durante as mesmas, xa adxudicada polo Concello por outros 94.000 euros.

xoves, 7 nov 2019
Abel Caballero informou desta decisión adoptada polo Ministerio de Fomento, unha proposta de adxudicación á UTE Emergis-Prace por importe de 784.754 euros. A previsión ministerial e municipal indica que en febreiro poderían comezar os traballos mais antes, engadiu o alcalde, a empresa encargada de levar o control arqueolóxico elaborará o seu proxecto de supervisión.

Esta obra é posible en virtude do convenio rubricado polo Concello de Vigo e o Ministerio para a recuperación e posta en valor da muralla, cun importe de 835.197 euros a sufragar nun máximo de 626.000 euros por Fomento e 209.000 euros pola administración local viguesa.

Os traballos se levarán adiante seguindo tres liñas principais: a conservación e reparación dos elementos propios da fortaleza, a reorganización da accesibilidade ao monumento -que inclúe a reparación do acceso norte- e a mellora da integración ambiental da muralla no paisaxe urbana, que contempla a súa iluminación.