Abel Caballero eloxia o labor da Policía Nacional na celebración dos seus patróns
Abel Caballero asistiu este mércores aos actos institucionais conmemorativos do Día da Policía que se desenvolveron na comisaría viguesa da rúa López Mora, nos que tamén estiveron presentes o delegado de Zona Franca, David Regades, a subdelegada do Goberno en Pontevedra, Maika Larriba, ou a alcaldesa de Redondela, Digna Rivas.
No transcurso da celebración, na que se entregaron diferentes condecoracións, o rexedor puxo en valor o traballo que realiza a Policía Nacional en Vigo, eloxiando o labor dos e das axentes co que contribúen, dixo, ao bo funcionamento da vida na cidade.
