Preto do 80% dos votantes na enquisa prefiren que algúns areais e Balaídos sexan espazos libres de fume
As votacións rexistradas na páxina web do Concello van en aumento e xa son 32.412 os votos rexistrados sobre a posibilidade de que nalgúns areais se limite o consumo de tabaco. Así o avanzou Abel Caballero esta mañá, engadindo que preto do 80% dos votantes avogan por eliminar o fume dalgunhas praias.
O alcalde en funcións deu conta esta mañá do avance das votacións da consulta cidadá sobre declarar algunhas praias e Balaídos como espazos libres de fume. Ata o de agora, rexistráronse 32.412 votos sobre praias (8.000 máis que onte), dos que 25.080 avogan por eliminar o tabaco dalgunhas praias -un 77,37% -, mentres que 7.332 cidadáns (un 22,62%) amosaron a súa preferencia por non limitar o tabaco nos areais.
Respecto a Balaídos, o número de votos foi de 11.203 (2.000 máis que onte), dos que o 82,57% (9.251 votos) apoian que o estadio estea libre de fumes, mentres que se rexistraron 1.952 votos a favor de que non se restrinxa o tabaco (un 17,42%).
Aínda que a enquisa vai seguir activa nas próximas semanas, o alcalde en funcións advertiu de que os datos obtidos ata o de agora amosan unha posición "masiva" en favor de declarar algúns areais e Balaídos libres de fume e "xa é difícil que o resultado final sexa substancialmente diferente a estes datos eventuais".
Respecto a Balaídos, o número de votos foi de 11.203 (2.000 máis que onte), dos que o 82,57% (9.251 votos) apoian que o estadio estea libre de fumes, mentres que se rexistraron 1.952 votos a favor de que non se restrinxa o tabaco (un 17,42%).
Aínda que a enquisa vai seguir activa nas próximas semanas, o alcalde en funcións advertiu de que os datos obtidos ata o de agora amosan unha posición "masiva" en favor de declarar algúns areais e Balaídos libres de fume e "xa é difícil que o resultado final sexa substancialmente diferente a estes datos eventuais".