Silva apela á forza da sociedade civil na defensa dos dereitos das persoas nunhas xornadas de Xustiza e Sociedade

"Cando as administracións non son sensibles coas necesidades dos cidadáns algo grave está pasando" dixo Carmela Silva durante a apertura dunhas xornadas tituladas: o fortalecemento dos dereitos fundamentais, como medio de superación dos recortes legais e da crise económica. Durante o seu discurso de apertura, a tenente de alcalde augurou que "o futuro está na sociedade civil organizada" e insistiu na necesidade de defender políticas que convirtan os dereitos das persoas no máis importante. Abogou por que desde a política se apoie a movementos cidadáns tan comprometidos como os que loitan contra os "desafiuzamentos ou as preferentes". A deputada socialista agradeceu aos ponentes e asistentes o seu grado de compromiso na loita dos dereitos da maioría "grazas por non parar nunca", rematou.

Estas Xornadas de Outono celebránse hoxe e mañá no Auditorio do Centro Social Novacaixagalicia, baixo a organización de Xustiza e Sociedade.