O Consello Municipal de Cooperación Internacional apoia a construción do centro de emerxencia social como "prioridade"
O Consello Municipal de Cooperación Internacional e Solidariedade aprobou por unha unanimidade na súa última reunión unha declaración de respaldo á construción do Centro Social de Atención Continuada de Vigo, cuxo proxecto recentemente presentaron a Tenencia de Alcaldía e a Concellería de Benestar Social
O texto destaca que a construción dun centro que preste atención ás persoas en situación de exclusión social é "unha prioridade na nosa cidade que non se pode seguir adiando". Ademais de manifestar o seu apoio á construción da nova infraestrura na ubicación proposta, a declaración aprobada polo Consello Municipal de Cooperación Internacional e Solidariedade tamén manifesta o seu apoio a que o barrio de Ribadavia conte coas dotacións sociais precisas "para o seu mellor desenvolvemento".