As ramplas mecánicas que se instalarán nesta rúa facilitarán o tránsito e discorrerán entre a parte alta de II República e a Praza do Bicentenario. Contarán cun investimento de 3.344.461 euros.
Abel Caballero informou que xa está aberta a enquisa para a valoración da construción de 9 novas áreas de lecer caninas en Navia, Faisán, Barreiro, Pizarro, A Bouza, Atalaia, María Xosé Queizán, Castelao e no Calvario. O investimento previsto é de 628.700 euros.
A próxima semana, a partir do martes 18 e do venres 21, a Casa das Artes e a Casa Galega da Cultura acollerán dúas novas exposicións coas obras de Francisco Torrón e de Telmo Meana, segundo avanzou hoxe o alcalde.
A comisión semanal concedeu 118 axudas por valor de 25.000 euros, a maioría delas para alimentación e vivenda.
O alcalde remarcou este mércores que os datos de pasaxeiros da terminal viguesa rexistrados no pasado mes de xaneiro, que constatan un incremento do 3,35 por cento con respecto ao mesmo mes de 2024 ata alcanzar os 78.635 viaxeiros, poñen en evidencia que Peinador “segue indo extraordinariamente ben” e que “Vigo, e o seu aeroporto, tiran”.