Vigo é a primeira cidade galega en aprobar as contas para 2025 en Xunta de Goberno, cun montante de 334.616.975 euros, un 5,3% máis que o ano pasado. Trátase do décimo oitavo orzamento aprobado de forma consecutiva, o que da conta da estabilidade da que goza a cidade.
Abel Caballero entregou esta mañá as divisas aos 8 axentes que toman posesión como funcionarios de carreira logo de finalizar o período de prácticas de xeito satisfactorio e despois de ter aprobada a oposición. Neste acto tamén deu a benvida a 3 novos axentes que se incorporan procedentes doutros municipios.
O martes 22 de outubro terá lugar a primeira das tres actuacións previstas dentro do programa artístico e cultural VigoFem, que se desenvolverá no Museo MARCO e na Porta do Sol.
Para conmemorar o Día Mundial contra o Cancro de Mama o Concello iluminará de cor rosa, de forma simultánea, o HALO e a fachada da antiga estación ferroviaria. Abel Caballero adiantou este venres que Vigo suma así a súa "voz e actitude de proximidade" cara ás mulleres que padeceron e padecen esta enfermidade, "demandando máis investigación, atención, e todo o que sexa preciso para a prevención".