O alcalde visitou este luns os traballos de reforma que o Concello acomete actualmente na Avenida, no tramo comprendido entre Serafín Avendaño e Rosalía de Castro. O Concello -que supera os 5 millóns de investimento na mellora de García Barbón- realiza xa as catas arqueolóxicas para continuar a humanización ata Isaac Peral.
O alcalde de Vigo fixo balance este luns do festival de deporte urbano celebrado durante a fin de semana na cidade e sinalou que O Marisquiño acadou un seguimento "fora de serie" e supuxo unha "enorme mobilización cidadá".
A pasada fin de semana, o Concello emprazou un posto de información e recollida de firmas da candidatura no festival O Marisquiño, onde plasmaron a súa rúbrica "miles" de persoas, segundo afirmou o alcalde. Abel Caballero preguntouse "cantas sinaturas ten a candidatura da Xunta" para Illas Atlánticas e recordou a oposición dos veciños de Ons.
O alcalde presentou este luns o torneo de tenis afeccionado máis antigo de España. A competición será do 19 de agosto ao 1 de setembro nas pistas do complexo deportivo municipal de Samil.