Abel Caballero anunciou este martes que o Concello de Vigo licitará en setembro os accesos á Estación do AVE despois de que o Ministerio de Fomento dera esta mesma semana a autorización ao proxecto. "É a obra de maior envergadura e máis ambición da historia da cidade", sinalou o alcalde.
O Sergas adoptou esta decisión en 2014 e asegurou entón que era temporal, "e a provisionalidade leva cinco anos", denunciou Abel Caballero, quen recordou que a redución da poboación de referencia ten implicacións orzamentarias e de formación. O xefe de servizo de Cirurxía Pediátrica asegurou que Vigo está capacitada para asumila e considerou que a decisión foi "política".
As chuvias da última semana compensaron o consumo de auga de Vigo e os nove concellos da área, e os encoros de Eiras e Zamáns se atopan hoxe martes ao 89,1% e ao 81% da súa capacidade. "Estamos ben pero moita atención", explicou o alcalde.
Abel Caballero recibiu este martes ás organizadoras do 89º Congreso Internacional de Médicos de Atención Primaria que se celebrará en Vigo o vindeiro 17 de outubro. O alcalde coñeceu os detalles do evento nunha xuntanza con Ana Clavería e Susana Aldecoa, responsables do comité organizador, e amosoulles o seu apoio e o do Concello de Vigo de cara á cita.