Onte xoves, o "extraordinario" concerto de David Bisbal no auditorio ao aire libre puxo fin ao programa estival do Concello en Castrelos, cunha "afluencia inconmensurable" de público pese ao adverso do tempo. En total, incluídos os espectáculos infantís, a asistencia superou o medio millón de persoas, segundo afirmou Caballero.
A Xunta de Goberno Local aprobou a subvención á asociación cultural correspondente á temporada 2018-2019 e unha axuda de 20.000 euros á Fundación Mulleres por África para a educación de adolescentes embarazadas e nais. Amais, deu luz verde ao programa de outono do "Camiño a Camiño".
Abel Caballero participou este venres na sinatura dun convenio entre a Zona Franca e Asime para a promoción das edicións de 2019 e 2021 desta nova feira, que acollerá Vigo e na que estarán presentes as empresas líderes do sector industrial, metalúrxico, metalmecánico e das tecnoloxías asociadas, de dentro e fóra de España.
Segundo explicou este venres o alcalde, a previsión climatolóxica para este venres anima a "non correr riscos" coa Orquestra Clásica de Vigo, que ofrecerá a súa actuación este domingo, ás 21h, na mesma localización prevista: os xardíns históricos do Pazo de Castrelos. O resto de concertos da Noite Branca celebraranse, de chover, en sitios próximos a cuberto.
Segundo informou o rexedor, "o interese que está espertando" a convocatoria do concurso co que o Concello quere fomentar a creación musical e o espírito creativo entre grupos noveis da cidade, fai que se prorrogue o prazo de inscrición ata o 30 de agosto. Poden participar aqueles grupos cuxo 50% dos seus compoñentes estean empadroados en Vigo e, como premio, poderán gravar maquetas en Vigosónico e actuar en diferentes espazos da cidade. <br />
Abel Caballero achegouse este venres ao Pavillón Central das Travesas onde os arredor de 450 nenas e nenos que participaron no campamento urbano, organizado polo Concello, celebraban a última xornada logo de pasar quince días compartindo actividades de deportes, música, teatro, xogos e excursións. Durante o acto de clausura, amosaron as súas aprendizaxes con actuacións musicais e baile.
Recibidos no Concello este venres, o alcalde felicitou a Ania Setién, Jacobo Fernández, Laura Vázquez e Vicky Alonso polos seus recentes éxitos en badminton, judo e baloncesto en cadeira de rodas. <br />
O alcalde de Vigo, Abel Caballero, recibiu este venres na Alcaldía a José Luis Quintana, o seu homólogo de Don Benito, municipio estremeño da provincia de Badaxoz. Na entrevista participou tamén a tenente de alcalde e concelleira de Empresa, Economía, Seguridade e Organización Municipal, Elena Espinosa.