O alcalde avanzou hoxe a celebración deste espectáculo que, xunto ao recital que ofrecerá a Coral Casablanca o 27 de xullo, completan o programa das festas de verán de Vigo en Castrelos. <br />
Abel Caballero informou este xoves de que a Xunta de Goberno Local abriu un expediente informativo para a resolución da concesión outorgada a empresa Camaleón S.A. para a explotación do seu restaurante en Samil. O alcalde sinalou que a concesionaria está en concurso de acredores e, segundo o informe da Tesourería Municipal, ten pendente de pago as taxas de 2017 e 2018.
A Xunta de Goberno Local aprobou convenios con Afaga, Alborada, DOA e a Asociación de Persoas Xordas de Vigo, ademais dunha subvención a Unicef para un programa de axuda en Siria, decisións de "profundo" contido social que "caracterizan" a actuación do Concello, en verbas do seu alcalde.
Abel Caballero presidiu esta mañá o Comité Executivo de Navalia (Feira Internacional da Industria Naval), onde estivo acompañado, entre outros, polo máximo responsable do evento, José García Costas. Logo de felicitar aos organizadores dunha "feira imprescindible en Europa", amosou a súa satisfacción porque este certame se achegue cada vez máis á cidade porque a edición de 2020 volverá ser "unha magnífica ocasión da economía, da tecnoloxía e do crecemento económico" para Vigo.
O XXXIII Congreso Internacional de Economía Aplicada Asepelt 2019 reúne en Vigo a máis de 150 especialistas