Abel Caballero trazou este luns as liñas principais da presentación da cidade na Feira Internacional de Turismo, este xoves en Madrid. Xunto ao alumeado de Nadal, Vigo amosará o seu Entroido, a Reconquista, as festas do verán, a súa cultura, gastronomía e natureza, co reclamo da candidatura das Cíes a Patrimonio da Humanidade.
Hoxe celébrase a primeira reunión da comisión técnica de valoración das candidaturas presentadas ao concurso público convocado polo Concello para elixir á persoa que dirixirá o MARCO de Vigo.
Abel Caballero recibiu este luns aos representantes sindicais da xunta de persoal da área sanitaria de Vigo ante a convocatoria da manifestación para o vindeiro xoves en defensa da sanidade pública. "A mellora da atención sanitaria é un dos obxectivos políticos da cidade", sinalou.
O Instituto de Estudos Vigueses, en colaboración co Concello e a Universidade, celebrará desde este xoves e ata o 12 de decembro a segunda edición do ciclo de conferencias do Fórum IEV. A cita será mensual desde este xoves e ata o 12 de decembro.
A Subida ao Castro, presente no circuíto Run Run Vigo dende a súa creación, abre este domingo 27 (12:00 horas) dende a rúa Montero Ríos a edición 2019 o grupo de probas populares que patrocina o Concello en formato de campionato, segundo anunciou o alcalde de Vigo, Abel Caballero.