Caballero urxe á Xunta un plan de choque e un programa intensivo de Formación Profesional
"Paréceme moi ben que a Xunta de Galicia faga FP en Ourense pero onde hai demanda de verdade é en Vigo", asegurou o alcalde, quen esixiu do goberno autonómico un inmediato plan de choque de FP para atallar a demanda e, en segundo lugar, un programa intensivo estable que complete o xa existente. <br />
Abel Caballero expuxo que Vigo presenta "a maior demanda de Formación Profesional de Galicia", nos sectores do automóbil, do naval e da pesca, entre outros. Así, esixiu da Xunta de Galicia un "plan de choque urxente e inmediato" e, en segundo lugar, elaborar un programa de FP intensivo de forma estable, que se engada á "gran formación" xa existente actualmente e pola que recoñeceu aos docentes.
O artigo 31 do Estatuto de Autonomía de Galicia, citado este venres polo alcalde en rolda de prensa, atribúe á Xunta de Galicia a "competencia plena" na materia, para o cal recibe fondos do Estado. Así, Caballero considera que o goberno autonómico está "obrigado" a reforzar a FP en Vigo e como tal esixiuno esta mañá.
Descargar todas as imaxes
O artigo 31 do Estatuto de Autonomía de Galicia, citado este venres polo alcalde en rolda de prensa, atribúe á Xunta de Galicia a "competencia plena" na materia, para o cal recibe fondos do Estado. Así, Caballero considera que o goberno autonómico está "obrigado" a reforzar a FP en Vigo e como tal esixiuno esta mañá.