O alcalde deu este luns a cifra de actuacións de ambos servizos municipais, rexistrada durante o día do onte e esta madrugada. A borrasca de vento e chuvia "Ana", con afección tamén sobre o alumeado de Nadal, supuxo principalmente a caída ou risco de caída de arborado e outros elementos sobre as calzadas.<br />
O nivel da auga subiu nas últimas horas desde o 32,7% rexistrado o domingo. Con este dato de auga embalsada o alcalde dá por finalizada a situación de alerta por seca malia que "recomendamos consumo responsable".
O goberno local deu o visto bo ao proxecto de implantación da vía ciclista entre Samil e Teis, cun importe de case seis millóns de euros. A execución deste carril ten un prazo de execución de 5 meses desde a súa adxudicación.
Desde hoxe 11 de decembro está operativa a páxina web na que se pode solicitar a tarxeta PASSVIGO, un cartón moedeiro co que se poderá acceder a todos os servizos públicos municipais, comezando polo transporte público. O Concello enviará 100.000 tarxetas antes do 19 de xaneiro.
O rexedor recomenda á cidade que se achegue a coñecer esta "obra de arte, moi ben ambientada, ben feita e unha verdadeira marabilla da artesanía con figuras que parecen esculturas". O Belén Municipal ocupa unha superficie de 100 metros cadrados e está exposto na Casa das Artes, onde xa foi visitado por 9.000 persoas desde a súa inauguración o pasado 30 de novembro.