A Corporación viguesa aprobou este mércores unha moción, impulsada polo grupo de goberno e co apoio de En Marea, instando aos gobernos autonómico e central a abrir unha mesa de traballo que conduza ao Pacto de Estado. Outra das iniciativas aprobadas esta mañá foi solicitar á Xunta á apertura inmediata e gratuíta do aparcamento do hospital Álvaro Cunqueiro.
O prazo de vixencia da colaboración entre o Concello e o IGVS esténdese catro anos máis. Co apoio de tódolos grupos municipais saíu adiante o cambio de uso de dúas parcelas do Plan Parcial Quirós para a construción dun pavillón en Sárdoma.
O edil de Facenda expuxo no Pleno celebrado este mércores o informe trimestral de Tesourería sobre o pago das obrigas, apuntando que Vigo paga aos provedores 12,4 días antes de que comece o prazo legal. Amais deu conta das Liñas Fundamentais do Orzamento de 2018 e da execución de gastos e ingresos do vixente.
Os grupos de En Marea e do PSOE uniron esta mañá os seus votos para reclamar ao Parlamento Galego a anulación da Lei de Fomento de Iniciativas Empresariais. A instancias da formación morada, o texto solicita a planificación, programación de alternativas políticas e económicas sustentables.