Abel Caballero participou este martes na sinatura de tres convenios da Deputación de Pontevedra coa Igrexa de Fátima, co Coruxo Club de Fútbol e co Amfiv que se suman a outros tres convenios asinados pola tarde que ascenden a un apoio total de 198.000 euros. Así, amosouse satisfeito coa "nova dimensión da nova Deputación que agora ten presenza en Vigo"<br />
Abel Caballero indicou que o histórico inmoble, no que se investiu 912.000 euros para a súa adquisición e rehabilitación, se inaugura este martes acollendo unha oficina descentralizada, unha sala de lectura e outra multiusos para impartir cursos e conferencias. O alcalde tamén anunciou a peonalización do casco vello de Bouzas.
O alcalde eloxiou esta mañá a calidade artística do texto e das ilustracións de Vigo: a man da xente, un relato case inédito de Carlos Casares que Galaxia vén de publicar co apoio do Concello de Vigo. Esta colaboración permitirá editar 9.000 exemplares que se repartirán en centros educativos.
O Centro de Oceanografía de Vigo do Instituto Español de Oceanografía desenvolve diferentes obradoiros no MARCO dirixidos a escolares vigueses como parte das actividades coas que celebran o seu centenario. Abel Caballero estivo coñecendo de preto como as nenas e nenos se achegan á ciencia e ao labor científico de forma didáctica e entretida e felicitou ao persoal do Oceanográfico pola iniciativa.