O alcalde valorou positivamente este mércores a vontade de todas as partes para que a ampliación do recinto feiral sexa unha realidade na celebración de CONXEMAR o vindeiro ano 2017. Ademais declarou que a repercusión da feira na cidade está sendo "notable".
O deseño da futura Cidade da Xustiza leva a sinatura do arquitecto Alfonso Penela o que, en opinión do alcalde, "é unha garantía". Caballero cualificou de éxito colectivo o inicio da recuperación do antigo edificio do Xeral.
O orzamento do Concello estará aprobado a mediados de decembro para garantir que estea operativo o 1 de xaneiro de 2017. Con este obxectivo, o rexedor deu orde do inicio oficial da redacción dun documento que será moi inversor, volcado na política social e na xeración de emprego. Ademais, engadiu, terá como meta seguir coa gran "revolución das humanizacións na cidade".
A temporada 2016/2017 do programa de apoio ao deporte base e aos clubs da cidade comeza este mércores baixo o lema "Somos Siarei@s, Somos deporte" co obxectivo de contribuír a converter o deporte e os seus valores nun dos cimentos da sociedade viguesa.
O Concello coopera co XXI Encontro sindical da muller que se desenvolverá mañá xoves no hotel Coia, baixo a organización das centrais sindicais. Estas xornadas incluirán debates tan importantes como as dificultades das mulleres no mercado laboral ou as diferencias salariais respecto dos homes.
O XXI Cross Escolar El Castro San Miguel cumpre vinte anos de vida e celébrao coa vixésima primeira edición da proba, este domingo no parque municipal de Castrelos (10:00 horas).