A oliveira bicentenaria sitúase na Praza da Igrexa onde, segundo a lenda, os templarios plantaron a orixinaria da que derivou o nome de "cidade olívica". O rexedor adiantou que seguirá enchendo a cidade con estas árbores emblemáticas.
O Concello e a Zona Franca porán en marcha o luns día 10 a comisión mixta para impulsar a rehabilitación da Panificadora. Tal e como avanzou o rexedor, a recuperación deste edificio é un tema central na cidade que non pode atrasarse máis tempo.
Abel Caballero visitou este xoves xunto coa tenente de alcalde e presidenta da Deputación de Pontevedra, Carmela Silva, o Estadio Municipal de Balaídos para observar a evolución dos traballos que se están acometendo na reforma da grada Tribuna. Alí puxo en valor a "gran acción" realizada na estrutura e o labor do enxeñeiros civís responsables da obra.
Nabucco de Verdi, o 9 de outubro, e Los pescadores de perlas de Bizet o 11 de novembro, conforman o programa da sexta edición do Outono Lírico 2016 que organiza a Asociación Amigos da Ópera de Vigo co apoio do Concello. Ambos títulos poderán gozarse no Teatro Afundación ás 19:30 e ás 20:30 horas, respectivamente, aínda que as entradas levan días esgotadas para Nabucco.
O concelleiro de Cultura, Cayetano Rodríguez, presentou este xoves a cuarta edición do Festival Vertixe Sonora que trae á cidade a artistas de referencia da vangarda musical con nove concertos e sete estreas entre o 13 de outubro e o 11 de decembro.
Desde o día 7 de outubro a Casa das Mulleres acollerá a exposición "Pintando en pastel" que recompila os traballos realizados polas alumnas que participaron no 1º obradoiro de pintura en pastel. impartido por Paula Mariño. A mostra poderase visitar ata o día 21 de outubro, de luns a venres, en horario de 17:30 a 21:00h.