O alcalde avoga por estreitar a relación institucional de Vigo e Vilagarcía de Arousa
O rexedor vigués visitou o concello pontevedrés este martes para manter unha xuntanza co seu alcalde, Alberto Varela Paz, e iniciar unha etapa "de moita relación" entre os dous municipios. Caballero e Varela acordaron establecer un grupo de traballo para resolver o problema de transporte entre as dúas cidades polo custo que supón para a cidadanía que se despraza entre ambas e para a posta en común da política social.
