Abel Caballero achegouse hoxe mércores ata o colexio Alfonso Rodríguez Castelao para comprobar o resultado das obras da cuberta para o patio e a pista deportiva. O importe destes traballos foi de 154.000 euros que foron asumidos en exclusiva polo Concello a "pesar de ser un compromiso e unha obriga da Xunta de Galicia".
Ao longo da última semana, segundo informou este mércores o alcalde, o Concello de Vigo concedeu 62 novas axudas de emerxencia para pagar o aluguer, a hipoteca, a alimentación e a enerxía. Nas últimas tres semanas, o goberno local deu 92 para comida, 69 para vivenda e 68 para luz e calefacción.
O alcalde participou este mércores na visita realizada ao Ramón Margalef, "o mellor buque oceanográfico que hai en toda Europa", feito en Armón e botado en Vigo. O Instituto Español de Oceanografía celebra o seu centenario e Caballero trasladou o seu apoio e "recoñecemento" ao seu traballo tanto no Estado como na cidade.
Este mércores día 11 de xuño, ás 20:00 h, inaugúrase na sala de exposicións da Casa Galega da Cultura a exposición "Afinidades Selectivas 7", organizada pola Universidade de Vigo, coa colaboración do Concello de Vigo. A mostra da continuidade a un proxecto iniciado no ano 2008, baixo o comisariado de Susana Cendán, e que continua a evolucionar nesta sétima edición, xa perfectamente integrado na axenda cultural da cidade de Vigo.