mércores, 16 febreiro 2011

O comité de expertos decide denominar ao Auditorio Pazo de Congresos "Mar de Vigo"

O alcalde de Vigo, Abel Caballero, como voceiro do grupo asesor para o nomeamento da nova infraestrutura, informou este mércores que "Mar de Vigo" foi o nome adoptado para o Auditorio Pazo de Congresos, que será inaugurado no mes de abril. O nome responde a que o mar é "o principal protagonista" do edificio e supón ademais unha "homenaxe" a figura de Martín Códax, "o primeiro xuglar civil coñecido no mundo occidental". Apuntou Caballero que a denominación será trasladada e asumida pola Xunta de Goberno Local e a empresa concesionaria.

1297864486auditorio.JPG
1297864525Imagen005.jpg

O alcalde recorda que a nova estación e a Alta Velocidade de Vigo teñen "concreción absoluta, orzamentos e recursos para levalas adiante"

mércores, 16 feb 2011

Abel Caballero asegurou hoxe mércores que tanto a nova estación de Urzáiz como a chegada a Vigo da Alta Velocidade contan cos orzamentos necesarios para levalos adiante. Recordou o alcalde que a plataforma ferroviaria xa está adxudicada e en setembro adxudicarase á sociedade público-privada para a construcción da estación de Thom Mayne. Ademais, avanzou Caballero que as tuneladoras chegan en xuño ao centro, no verán comezará a operar a estación provisional de Guixar e a finais de ano ou comezos do próximo licitaranse e adxudicaranse proxectos de obra da liña de AVE directa Vigo-Ourense-Madrid por Cerdedo.

1297864368Estrea.JPG

O tenente de alcalde anuncia que a estrea de "Novo Vigo Vello" con Tosar en Vigo será o vernes e terá outro pase o domingo

mércores, 16 feb 2011

O tenente de alcalde, Santi Domínguez, anunciou hoxe que o venres, 18 de febreiro, o Centro Social de Novacaixagalicia acollerá a estrea do documental "Novo Vigo Vello: Vida e xente na reconquista do Casco Vello de Vigo", coa presenza Luis Tosar. O nacionalista indicou que ademáis haberá outro pase o domingo para que todas as persoas interesadas teñan a opción de ver este documental financiado a través do Plan de Competitividade Turística. Santi Domínguez tamén avanzou que xa comezou a distribución do filme nas canles de televisión e que a partir do segundo semestre deste ano entrará no circuíto de festivais estatais e internacionais.

1297864422Tanto.JPG

Iolanda Veloso anuncia que o venres comeza a inscrición no programa "Tanto monta, monta tanto", con 75 prazas

mércores, 16 feb 2011

A concelleira de Igualdade, Iolanda Veloso, anunciou hoxe que o vindeiro venres, 18 de febreiro, ábrese o prazo de inscrición para participar no programa "Tanto monta, monta tanto", que nesta edición oferta un total de 75 prazas. A concelleira nacionalista destacou que esta iniciativa ten por obxectivo fomentar a corresponsabilidade e superar as desigualdades que aínda existen no ámbito doméstico.

O Auditorio Municipal acolle mañá xoves o espectáculo de danza contemporánea para todos os públicos "Sono silente"

mércores, 16 feb 2011

O programa de artes escénicas que organiza a Concellería de Cultura e Animación Sociocultural no Auditorio Municipal continúa mañá, 17 de febreiro, cun espectáculo de danza contemporánea para todos os públicos. Trátase da obra "Sono silente", que representará a compañía Bstudiodanza ás 20.30 horas. O prezo das entradas é de 5 euros, e poden mercarse na web www.laboleteria.es ou na taquilla unha hora antes do comezo da actuación.