A concelleira de Vías e Obras presentou este martes os novos proxectos que acometerá o seu departamento municipal en todas as parroquias, humanizacións "de igual calidade ás do centro de Vigo" que supón un investimento superior aos 7 millóns de euros. Abelairas manifestou que priorizarán a mellora dos centros das parroquias.
O concelleiro de Cultura, Xesus López, e o promotor Bibiano Moron presentaron hoxe o concerto de La Oreja de Van Gogh, que terá lugar mañá no auditorio de Castrelos a partires das 23:00 horas. O nacionalista lembrou que este é o segundo concerto, dun programa de festas que está a ser unha referencia do verán galego.
Abel Caballero participou este martes na Comisión Executiva da Federación Española de Municipios e Provincias (FEMP), que presentou na súa orde do día unha ordenanza tipo de seguridade e convivencia cidadá para a súa distribución entre os municipios. O alcalde explicou o modelo de Vigo, que xa conta cunha norma ao respecto en aplicación.
O concelleiro de Cultura, Xesus López, desprazouse hoxe ata o Conservatorio de Música do Castro para visitar os cursos de Formaclown, que se están a desenvolver en Vigo dentro do Festival Internacional de Clown. No acto estivo acompañado polo director do Festiclown, Iván Prado, quen destacou a calidade do profesorado e tamén o interese amosado polos alumnos e alumnas.
Os concellerios de Cultura, Xesus López, e Normalización Lingüística, Iolanda Veloso, presentaron hoxe xunto aos organizadores Central Folque o proxecto "Descarga ao vivo", que o vindeiro xoves encherá o teatro do Centro Cultural Caixanova da mixtura da música galega e cubana. O concerto, no que participarán 15 músicos e 2 bailaríns, terá como actividade previa unha actividade infantil mañá no Verbum.